Naftëtarët e Rafinerisë së Ballshit po protestojnë sërish përpara uzinës, ku kërkojnë shlyerjen e plotë të pagave të prapambetura. Sipas kreut të Sindikatës, Sokol Dautaj, tha se naftëtarët kërkojnë që në rafineri të mos kryhen punime deri sa të ketë një zgjidhje ligjore për pagat e tyre. Ndërkohë 3 furgona policie kanë mbërritur në ambientet e uzinës.
‘Pa asnjë njoftim mbi shitjen apo blerjen e asetit nga palë të ndryshme në mënyrë provokative ka filluar punimet një kompani private në rafineri. Me vendim gjyqi dhe me urdhër përmbarimor, naftëtarët kërkojnë të mos veprohet në rafineri deri sa të ketë një zgjidhje ligjore. Këkrojmë të merren masa e të mos provokohen incidente të ndryshme nga persona që nuk kanë lidhje me këtë punë në rafineri.’- tha Sokol Dutaj, kreu i Sindikatës së Naftëtarëve.
Gjatë protestës ka edhe momente tensioni, ku naftëtarët përplasen me uniformat blu.
g.kosovari
