Momente tensioni janë shënuar paraditen e sotme, në uzinën e Ballshit. Naftëtarët janë mbledhur në protestë, për të kërkuar pagat e prapambetura dhe kushte më të mira pune.
Teksa kanë tentuar që të futen me forcë në uzinë, ata janë konfrontuar me policinë.
Punonjësit e uzinës kanë bërë thirrje që të largohet policia dhe të hyjnë në vendin e tyre të punës.
“Të hapin derën, ky është vendi ynë i punës. Edhe ne kemi fëmijë që nisin sot shkollës, të na japin atë që na takon”, thirrën protestuesit.
Gjithashtu ata i bëjnë thirrje Ministrit të Brendshëm që të tërheqë forcat e policisë nga hyrja e rafinerisë.
Kjo është protesta e disatë e naftëtarëve të Ballshit. Edhe më herët ata kanë kërkuar pagat e prapambetura.
g.kosovari
