Raportohet për pak fërkime në Familjen mbretërore britanike. Princ Harry dhe Meghan Markle do të shpërngulen rreth 20 minuta larg Londrës. Burime pranë çiftit theksojnë se arsyeja e këtij largimi është bërë një tension i kohëve të fundit mes dy vëllezërve, Princ Harry dhe Ëilliam.
Shumë shpejt, teksa po presin që të shtohen me fëmijë dyshja mbretërore do të largohen nga apartamenti i tyre me dy dhoma gjumi në Kensington Palace. Meghan Markle dhe Princ Harry do të shpërngulen në një shtëpi ‘kasolle’. Daily Mail shkruan se sipas një zëdhënësi të çiftit, Duka dhe Dukesha e Sussex do të shpërngulen në Frogmore Cottage në pronën Windsor në fillim të vitit që vjen.
“Frogmore Cottage,” ose Kasollja Frogmore, është një shtëpi mbretërore në afërsi të Windsor Castle, rreth 20 minuta larg Londrës. Frogmore Cottage është një nga pronat e Frogmore House, vendi ku Harry dhe Meghan mbajtën ceremoninë private të dasmës.
Kjo banesë është një dhuratë nga Mbretëresha për Harry-n dhe ka dhjetë dhoma gjumi dhe një dhomë për foshnjen. Sipas një burimi të afërt më dyshen mbretërore, arsyeja e kësaj shpërnguljeje është bërë gjendja e tensionuar mes dy vëllezërve. (Shqiptarja.com)
