Një luftanije kineze iu afrua rrezikshëm një destrojeri në ujërat e kontestuar të Detit të Kinës Jugore, duke detyruar këtë të fundit të ndryshojë trejektoren, njoftoi sot një përgjegjës i “US Navy”.
Destrojeri rraketahedhës “USS Decatur” po zhvillonte sot atë që ushtria amerikane e cilëson si “operacion për lirinë e lundrimit” kur ai kaloi më pakë se 12 milje detare pranë shkëmbinjve Gaven dhe Xhonson, pranë arqipelagut Spratleis.
Kjo distancë njihet përgjithësisht si limiti i ujërave territoriale të një hapësire tokësore.
Ishujt Spratleis pretendohen nga Pekini, ku ka ngritur infrastruktura ushtarake, por gjithashtu edhe Filipinet dhe Vietnami./.a.m.
