Shqipëria është “pushtuar” gjatë ditëve të fundit nga një valë e nxehtë ku temperaturat kanë arritur deri në 35 gradë celsius, por fundjava pritet të sjellë ulje temperaturash.
Ditën e shtunë mbasdite pritet shtim i vranësirave në të gjithë territorin të cilat do të shoqërohen me reshje shiu.
Ndërkohë që dita e diel do të sjellë një ulje temperaturash me 7 gradë sa u përket vlerave maksimale. Ndërsa gjatë gjithë ditës parashikohet të ketë reshje shiu dhe shkarkesa elektrike.
Gjithashtu edhe gjatë ditës së hënë moti do të jetë i freskët, ndërsa nga e marta e në vazhdim temperaturat do të fillojnë një rritje të cilat pritet të kapin 35 gradë në vlerat maksimale.
/e.d
