Natyra dhuron mundësi freskimi edhe në ballkonet e shtëpisë por thjesht mjafton të kujdeseni për disa bimë aromatike me shumë vlera.
Çajrat e tyre do të mund t’ju freskojnë paksa në këto ditë tepër të nxehta
Kur i nxehti fillon të na marrë “frymën”, mjetet e para të shpëtimit janë kondicioneri dhe ventilatori.
Ndërkohë, është e nevojshme të pihet shpesh ujë dhe të hahet lehtë, edhe më mirë nëse janë ushqime të pasura me minerale dhe vitamina.
Por ka edhe disa zgjidhje të tjera, të gjitha të gjelbra për t’u shijuar plotësisht në verë, si nga pikëpamja kulinare, ashtu edhe në rast të disa problemeve tipike të këtij sezoni: bimët aromatike. Borziloku, sherbela, menta dhe livanda janë katër burime të çmuara për “lumturinë verore”.
Borziloku-Mbreti i ushqimeve të lehta dhe i pastave me domate, borziloku, është bima mesdhetare me përsosmëri të mëdha. Vetitë e tij janë të shumta: u shtohet salcave dhe çdo lloji tjetër pjate (hahet gjithmonë i papërpunuar) dhe bëhet një tonik i duhur kur ndiheni keq me humorin, kur keni mungesë oreksi dhe kur jeni shumë të lodhur.
Sherbela-Sherbela është bima aromatike që të gjitha amvisat duhet ta kenë në ballkonin e tyre. Në fakt, çdo gjethe e saj është një burim mirëqenieje për trupin dhe shpirtin. Një përdorim i gjerë i sherbelës në verë është si çaj i ftohtë.
Menta-Bima e mentës (nenexhiku) mund të rritet kudo! Në fakt, ekzistojnë lloje të ndryshme të saj, por piperita dhe marokina janë ato më të përshtatshme për përdorim gjatë verës. Para së gjithash, nga pikëpamja kulinare, menta përdoret si për sallatat ashtu edhe për ëmbëlsirat. (java / r.a)
