Telefonon policinë dhe i ankohet për shërbimin e prostitutës
Një klient ka mbetur aq i pakënaqur nga shërbimi një prostitute sa është ankuar te policia. Burri u telefonoi oficerëve të policisë dhe u tha se kishte paguar për 30 minuta me prostitutën, por ajo i kishte dhënë vetëm 10 minuta kohë.
Raportimi i pazakontë është bërë sot në policinë e Manchester-it në Britaninë e Madhe dhe u mor vesh nga një postim në “Twitter” i një punonjësi të policisë, i cili ironizonte seriozitetin me të cilin qytetari i kërkonte ndihmë policisë.
Por kjo nuk është e vetmja ankesë e çuditshme në policinë e Manchesterit. Në korrik, një grua i telefonoi policisë duke u ankuar se nuk e linin të hynte në palestrën e një hoteli, pavarësisht se nuk kishte kartë anëtarësimi.
