Telefonat e mençur të së ardhmes do të mund të mbushen plotësisht me rrymë për vetëm dhjetë minuta falë një çipi revolucionar.
“Nanyang Technological University” i Singaporit ka krijuar një pajisje të vogël që mund të ndryshojë teknologjinë e mbushjes me rrymë të baterive të telefonave.
Bateritë që përdoren tani janë të përbëra nga litiumi që energjinë e sjell më ngadalë për shkak të parandalimit të tejnxehjes, por çipi i krijuar nga NTU lejon bateritë të mbushen pandërprerë pa asnjë rrezik nga nxehja.
Teknologjia përdor një algoritëm për të monitoruar se sa hapësirë ka mbetur në bateri pa u mbushur si dhe monitoron temperaturën dhe voltazhin.
NTU shpreson që ky çip të ketë sukses dhe të depërtojë edhe te automobilat elektrikë. Shkencëtari Rachid Yazami, që krijoi këtë pajisje, tani është në bisedime për të sjellë çipin te Sony dhe Samsungu.
Pritet që kjo teknologji të licencohet në fillim të vitit të ardhshëm.
