TIRANE-Ligji për Teatrin Kombëtar pas votimit të enjten e kaluar në Kuvend nga shumica ka mbërritur në Presidencë. Ligji mban të njëjtin numër me të variantit të parë, 37 datë 20.09.2018, ndërsa Kuvendi ia dërgon kreut të shtetit për shpallje dhe dijeni.
Pikërisht këtu lindi edhe debati mes shumicës dhe opozitës. Pasi Meta e riktheu për rishqyrtim, opozita e amendoi ligjin dhe miratoi në Kuvend variantin e ri, që pikë kryesore kishte hapjen e garës edhe për kompani të tjera përveç Fushës.
Opozita u pozicionua kundër duke deklaruar se me votimin pro të dekretit të Metës, ligji ra dhe nuk mund të bëhen amendime. Sipas PD dh e LSI shumica ndryshimet mund ti bënte vetëm përmes një ligji të ri që duhet të kalojë të gjitha procedurat.
Opozita thotë se me procedurën që u veprua nga shumica, Presidentit i hiqet e drejta për të rikthyer sërish ligjin. PS e konsideron ligj të njëjtë se mban të njëjtin numër me të vjetrin.
Stafi i presidentit ka marrë në shqyrtim dokumentet e përcjellë nga Kuvendi, ndërsa vendimi nga Presidenti për dekretim ose jo do të jetë brenda 20 ditësh pas kthimit të Metës nga OKB.
a.ç
