Prej një viti opsioni për lokacionin e shumëpërfolur të teatrit të operës dhe baletit “Ibrahim Rugova” ka mbetur vetëm ide në tavolinat e zyrtarëve të Ministrisë së Kulturës dhe atyre të Komunës së Prishtinës. Megjithëse se në fillim të vitit të kaluar të dyja palët kishin rënë dakord që të bëhej një projekt i ri dhe objekti të ndërtohej në qendër të Prishtinës, krejt procesi ka mbetur në këtë nivel. Asgjë nuk është konkretizuar, shkruan “Koha Ditore”. Madje, sipas Ministrisë së Kulturës, që nga shtatori i vitit të kaluar zyrtarët e Komunës së Prishtinës nuk kanë treguar gatishmëri as për të folur për këtë projekt.
Ideja e të dyja palëve ishte që Ministria e Kulturës dhe Komuna të shkrinin buxhetin për “Ibrahim Rugovën” dhe Sallën universale në mënyrë që sa më shpejt të ndërtohet një objekt i vetëm…
