Aktet teatrale të brazilianit Marcelo në ndeshjen kundër Wolsfburgut janë cilësuar si të sikletshme e të turpshme. Mbrojtësi i Real Madridit goditi me kokë në gjoks mesfushorin kundërshtar Maximilian Arnold dhe më pas u rrëzua përtokë sikur të ishte ai i godituri, ndërkohë që gjyqtari nuk arriti ta shihte. Rënia e Marcelos shkaktoi një sherr lojtarësh që u mbyll me kartonë të verdhë për Arnold e Gareth Bale.
Media angleze dhe ish-lojtarë e kanë kritikuar gjestin.
Glenn Hoddle tha se gjesti ishte i sikletshëm e i turpshëm, ndërsa Roy Kean u shpreh i habitur se si Realit nuk i punonin këmbët.
Arnold e mori me të qeshur më pas. “Do të doja të kisha edhe unë flokë të bukur”, tha mesfushori gjerman, i cili, edhe pse vetëm 21 vjeç, ka “deficit” në flokë.
Trajneri i Wolfsburgut, Dieter Hecking, ishte më serioz në konferencën për shtyp: “I thashë Marcelos që të mos bënte teatër. Nuk do të mund të ankohej sikur të kishte marrë karton të kuq”.
