Mediat turke kanë publikuar për herë të parë fotot e terroristëve, përpara se këta të nisnin sulmet e koordinuara në aeroportin Ataturk në Stamboll. Nga pamjet e publikuara për dy nga kamikazët, duket qartë se ata janë të veshur me xhup për të fshehur eksplozivin që mbanin në trup.
Nga hetimet e deritanishme mendohet se edhe kamikazi tjerër ka qenë i veshur me xhup dhe me vete mbante armë automatike kallashnikov. Përpara se të shpërthenin veten kamikazët kanë shtirë mbi qytetarët dhe forcat e policisë, e më pas janë hedhur në erë.
Policia turke po punon për identifikimin e personit në foton e mësipërme, që duket dhe më qartë.
Sulmi i djeshëm terrorist në aeroportin Ataturk u mori jetën 41 personave dhe plagosi mbi 200 të tjerë. Dyshimet kryesore për përgjegjësit mbeten mbi grupin terrorist të ISIS, teksa pista e hetimit është drejtuar edhe tek kreu i organizatës në Turqi, terroristi Ilhan Bali, sipas raportimeve të mediave turke./ java/a.k