Dy vëllezërit që u vranë në Durrës janë me origjinë nga Puka. Bëhet fjalë për Besmir dhe Viktor Haxhinë.
Mësohet se ata jetonin në Spitallë, ndërsa ata u vranë sot në automjetin e tyre, shkruan JavaNews.
Informacionet e para për mediat thonë se Besmir dhe Viktor Haxhia nuk figurojnë persona me precedentë penalë. Madje Viktori kishte përfunduar Fakultetin e Drejtësisë dhe ishte i pajisur me licencën e avokatit.
Ndërkohë që Besmir Haxhia mësohet se drejtonte një biznes, kryesisht të fokusuar te shërbimi karrotrec, raporton JavaNews.al
Policia ka nisur hetimet për pistën e krimit të rëndë si dhe identifikimin e autorëve.
Durrës/Informacion paraprak
Më datë 27.04.2020, rreth orës 16:40, tek vendi i quajtur “tregu i makinave” , Shënvlash, në rrethana ende të paqarta kanë humbur jetën në një mjet dyshohet si pasojë e përdorimit të armës së zjarrit shtetasit V.H dhe M.H (vëllezër ) .
Forca të shumta policie po krehin zonën ndërkohë që në hyrje daljet kryesore dhe rrugët dytësore forcat e policisë po ushtrojnë kontrolle të shumta të personave dhe automjeteve që lëvizin në këtë zonë.
Në ndihmë të Policisë Vendore kanë mbritur Forcat Speciale Renea dhe Forcat e Ndërhyrjes së Shpejtë të Tiranës.
Është ngritur menjëherë një grup i posaçëm hetimor i përbërë me Specialistët të Drejtorisë Vendore të Policisë Durrës dhe Specialistë të Departamentit të Policisë Kriminale dhe nën drejtim e Prokurorisë vijon puna për fiksimin e çdo prove materiale që do çonte në zbardhjen e ngjarjes, identifikimin dhe kapjen e autorëve.
