Komisariati i Policisë Nr 6 në Tiranë ka bërë të mundur parandalimin e një ngjarje të rëndë kriminale.
Rreth orës 11:00, në rrugën “Hamdi Cenoimeri”, pas një konfliti shtetasi Xhevahir Xhepa, ka qëlluar me armë zjarri.
Ndërhyrja në kohë e punonjësve të Policisë së Komisariatit të Policisë Nr 6 ka bërë të mundur ndalimin në kohë të Xhevahir Xhepës dhe ka bllokuar armën e zjarrit tip kallashnikov të përdorur nga ky i fundit.
Nga hetimet paraprake dyshohet se shkaku i konfliktit është një pronësi, që ky shtetas e ka së bashku me djemtë e xhaxhait të tij, I. Xh, S. Xh, Sh. Xh dhe B. Xh., të cilët janë shoqëruar në Komisariatin e Policisë Nr 6 për të sqaruar plotësisht rrethanat e ngjarjes./a.m.
