Një konflikt mes baxhanakëve ka përfunduar me përdorimin e armëve. Ngjarja ka ndodhur mbrëmjen e sotme në qytetin e Laçit.
Burime nga Policia e Lezhës bëjnë me dije se gjatë sherrit mes tyre, njëri prej baxhanakëve ka qëlluar një herë me armë në ajër.
Më pas u largua në drejtim të paditur. Ai është Z. L33 vjeç, i cili është shpallur në kërkim nga policia. Fatmirësisht asnjë person nuk mbeti i lënduar nga të shtënat me armë zjarri.
Në vendngjarje mbërritën menjëherë forcat e policisë, të cilat shoqëruan në komisariat baxhanakun tjetër, P. K 39 vjeç. Ky i fundit po merret në pyetje për të zbardhur shkaqet e ngjarjes.
Informacion paraprak
Me datë 21.11.2017, shtetasi P. K. 39 vjeç, ka bërë kallëzim në Komisariatin e Policisë Kurbin se ka pasur një konflikt me shtetasin Z.Ll. 33 vjeç, para makinave të tyre në Laç.
Më pas shtetasi P.K. është larguar për në shtëpi dhe tek hyrja e pallatit ka dëgjuar të shtëna me armë zjarri ku pretendon dhe dyshohet se shtetasi Z. Ll. ka gjuajtur në ajër.
Në vendngjarje është gjetur dhe sekuestruar në cilësinë e proves materiale një gëzhojë .
Grupi hetimor në bashkëpunim me Prokurorinë e Rrethit Gjyqësor Kurbin ndodhen në vendngjarje për hetime të mëtejshme të sqarimit të rrethanave të ngjarjes.
Vazhdon puna për kapjen e shtetasit Z.Ll për hetime të mëtejshme.
/b.d
