Policia ka zbardhur ngjarjen e djeshme në Tiranë, ku si pasojë e një konflikti të çastit janë dëgjuar të shtëna me armë zjarri
Ngjarja ka ndodhur në rrugën “Kajo Karafili”, ku pas denoncimit me telefon nga qytetarët forcat e policisë kanë kontrolluar dhe kanë sekuestruar në cilësinë e provës materiale një gëzhojë model 54. “Nga verifikimet e kryera është mësuar se shtetasi A. N., 47 vjeç, banues në Tiranë, së bashku me një shtetas tjetër ende të pa identifikuar, kanë patur një konflikt të çastit me shtetasin P. Ll., ku A. N., e ka kanosur dhe shtetasi i pa identifikuar ka qëlluar me armë zjarri në ajër”, sqaron policia.
Materialet proceduriale i’u referuan Prokurorisë pranë Gjykatës së Shkallës së Parë Tiranë, në gjendie të lirë në ngarkim të shtetasit A. N., për veprën penale “Kanosja”, parashikuar nga Neni 84 i Kodit Penal, si dhe për veprat penale “Kanosja”, “Prodhimi dhe mbajtja pa leje e armëve luftarake dhe municionit” dhe “Prishja e qetësis publike”, parashikuar nga Nenet 84, 278 dhe 274 të Kodit Penal, në ngarkim të shtetasit ende të pa identifikuar. Grupi hetimor po punon për identifikimin dhe kapje e këtij shtetasi. /b.d
