Kapen në Morinë 3 persona të shpallur në kërkim ndërkombëtar. Policia bën me dije se gjatë kontrolleve në hyrje-dalje të vendit, u arrestuan M. G., 65 vjeç, nga Kosova, me qëllim ekstradimin në Gjermani, pasi i kanë mbetur 18 muaj burg për vjedhje dhe pjesëmarrje në organizatë kriminale; Xh. S., 47 vjeç, nga Prishtina, u arrestua për ekstradim në Kuvajt, ku ishte shpallur në kërkim për “vjedhje të rëndë”; si dhe R. P., 36 vjeç, nga Kosova, ishte në kërkim kombëtar për “ndihmë për kalim të paligjshëm të kufijve”; procedurat e mëtejshme po kryhen nga DVP Tiranë.
Policia thekson se kontrollet e përforcuara në kufi synojnë goditjen e paligjshmërisë dhe kapjen e personave të shpallur në kërkim.
“Morinë, Kukës
Kapen nga Policia Kufitare e Morinës, 3 shtetas të shpallur në kërkim ndërkombëtar/kombëtar.
Strukturat e Policisë Kufitare Morinë, në vijim të kontrolleve dhe verifikimeve në hyrje/dalje, me objektiva goditjen e paligjshmërive në kufi, si dhe ndalimin e shtetasve të shpallur në kërkim, të cilët tentojnë të lëvizin ilegalisht për t’iu shmangur përgjegjësisë penale, organizuan punën në bashkëpunim me strukturat e DVP Kukës dhe si rezultat, në hyrje të RSh-së, kapën dhe arrestuan/ndaluan 3 shtetas, konkretisht:
-U kap dhe u arrestua me qëllim ekstradimin në Gjermani, shtetasi M. G., 65 vjeç, banues në Kosovë Nga verifikimet e kryera dhe nga informacioni i shkëmbyer me Interpol Tiranën, rezultoi se ky shtetas ishte shpallur në kërkim ndërkombëtar nga Interpol Wiesbaden, Gjermani, pasi Gjykata e Frankfurtit e ka dënuar me 4 vjet e 1 muaj burgim, për veprat penale “Vjedhja” , “Grupi kriminal” dhe “Organizata kriminale”. Nga dënim i i kanë mbetur për të kryer 18 muaj.
– U kap dhe u arrestua me qëllim ekstradimin në Kuvajt, shtetasi Xh. S., 47 vjeç, banues në Prishtinë. Nga verifikimet e kryera dhe nga informacioni i shkëmbyer me Interpol Tiranën, rezultoi se ky shtetas ishte shpallur në kërkim ndërkombëtar nga autoritetet në Kuvajt, për veprën penale “Vjedhja e rëndë”.
Interpol Tirana, në bashkëpunim me homologët, vijonë procedurat për ekstradimin e këtyre 2 shtetasve.
-U kap shtetasi R. P., 36 vjeç, banues në Kosovë, pasi nga verifikimet rezultoi se ishte shpallur në kërkim kombëtar, pasi Gjykata e Tiranës e ka dënuar me 4 vjet burgim, për veprën penale “Ndihma për kalim të paligjshëm të kufijve”.
Veprimet e tjera procedurale me këtë shtetas do të kryhen nga DVP Tiranë”, thuhet në njoftim.
