Presidenti amerikan Donald Trump ditën e djeshme ka refuzuar të angazhohet në tranzicionin paqësor të pushtetit pas Ditës së Zgjedhjeve në SHBA, duke kërkuar të mos heqë dorë nga posti i tij edhe nëse humbet në zgjedhjet e nëntorit.
“Epo, ne do të duhet të shohim se çfarë do të ndodhë.”- u shpreh Trump kur u pyet nëse ai do të angazhohej për një tranzicion paqësor, një prej pikave themelore të demokracisë amerikane.
Trump ka refuzuar të thotë nëse do të pranonte rezultatet e zgjedhjeve, duke kujtuar fitoren e 2016. Duke bërë shaka ai ka thënë se do të qëndrojë në detyrë edhe pas dy mandateve që janë në bazë të kushtetutës.
Por refuzimi i tij për të garantuar një tranzicion pa dhunë shkoi më tej dhe ka të ngjarë të alarmojë kundërshtarët e tij, shkruan CNN.
Mosdashja e tij për të kryer një tranzicion paqësor ishte rrënjosur në atë që ai tha se ishte shqetësimi për fletët e votimit, duke zgjeruar pohimin e tij të rremë se votimi i përhapur përmes postës është i mbushur me mashtrim.
“Ju e dini që unë jam ankuar shumë fort për fletët e votimit dhe fletët e votimit janë një katastrofë.”- tha Trump në një konferencë shtypi në Shtëpinë e Bardhë, me sa duket duke iu referuar fletëvotimeve me postë, të cilat ai ka pretenduar se janë të pabaza dhe se mund të mashtrojë votuesit.
g.kosovari
