Zv. ministri i Mbrojtjes Petro Koçi kritikon qëndrimin politik opozitar të disa artistëve të cilët sipas tij nuk flasin me një fjalor të moderuar, sillen si më të djathtë se vetë kryedemokrati Lulzim Basha.
Koçi thotë se nëse realizimi i teatrit të ri është kopje e stadiumit, duhet të bëhet, pasi bota e re ngrihet gërmadhash.
Me anë të një postimi në rrjetin social “Facebook”, Koçi thekson se çeshtja e teatrit nuk i jep kujt te drejten e monopolit moral ku disa kane autoritetin te ta japin apo te ta heqin trisken e frontit.
“Per mua eshte tejet zhgenjyese gjuha arrogante dhe e terbuar ne debatin publik e disa gjoja te pavarurve te cileve ‘pavaresia’ u siguron te ardhura. Ne vend qe te degjojme prej tyre modelin e fjalorit te moderuar dhe argumentues, ne fakt konstatohet nje llogorizim politik ku ata sillen qartazi me pëdeiste se Basha.
Ka prej tyre qe me shpresen per tu bere nje dite deputete e nxiten Bashen drejt aventures me demprurese te mundshme per opoziten dhe procesin politik. Disa, thjesht per inate personale me Ramen jane gati te perfshihen dhe fizikisht ne aksionet e opozites per te bllokuar edhe projekte te cilat nuk jane te natyres se mirefillte politike duke politizuar ne fakt jeten shoqerore dhe intelektuale me keq se ne kohen e regjimit monist.
Te qenit gjoja i pavarur nuk te jep ndonje monopol moral dhe as te drejten qe per cdo gje te perfshihemi si ne ceshtjet e futbollit ku ne te gjithe jemi trainere e analiste me license.
Kultura politike dhe ajo e diskursit publik ka nevoje per te moderuarit, per intelektualizmin qe nuk nam bjeshket sa here u dalin perpara. Dhe ceshtja e teatrit nuk i jep kujt te drejten e monopolit moral ku disa kane autoritetin te ta japin apo te ta heqin trisken e frontit.
Me Kico London kam punuar per ate teater. Po. Kam punuar. Vullnetarisht. Nuk jam ekspert i bashkepunimit publik-privat. Por nese procesi i realizimit te teatrit te ri eshte kopje a atij te stadiumit jam dakort. Bota e re ngrihet germadhash! Prandaj edhe tribuna qendrore e stadiumit duhet te mbaje emrin e madh te Cese tone, QEMAL STAFA!”, shkruan Koçi.
