Presidenti Ilir Meta ka takuar ditën e djeshme disa persona të moshës së tretë në sajë të Ditës Ndërkombëtare të të Moshuarve.
Kreu i Shtetit ka publikuar foto nga takimi, ndërsa thotë se duhet të përfitojmë nga eksperienca e tyre dhe t’i investojmë këto përvoja.
“Me rastin e Ditës Ndërkombëtare të të Moshuarve, pata dje kënaqësinë të takoja një grup të moshës së tretë.
Theksova domosdoshmërinë që shoqëria jonë, në shembullin e Shenjtores Nënë Tereza, të kujdeset me më shumë dashuri dhe vëmendje për pjestarët e saj, veçanërisht për të vetmuarit.
Të përfitojmë nga eksperienca e moshës së tretë dhe t’i investojmë këto përvoja për zhvillimin shoqëror dhe ekonomik”, shkruan Meta krahas fotove në Facebook. /l.m
