Policia e Gjirokastrës bën me dije se ka sekuestruar 144 kg drogë ditën e djeshme në një shtëpi.
Siç bëhet e ditur, në banesën e 69-vjeçares me iniciale D.B u gjetën 11 thasë plasmasi, 2 fuçi plastike me lëndë të dyshuar narkotike Cannabis Sattiva, me peshë totale 144 kg dhe një armë gjahu pa leje.
Pas gjetjes së drogës në shtëpinë e saj, policia bën me dije se ka nisur procedim penal në gjendje të lirë, për arsye shëndetësore për 69 vjeçaren, banuese në fshatin Kalivaç, Memaliaj.
Njoftimi i policisë
Në bazë të informacioneve të marra në rrugë policore se në banesën e shtetases D.B, në fshatin Kalivaç, Memaliaj kishte lëndë narkotike, nga shërbimet e Komisariatit të Policisë Tepelenë dhe specialistët e seksionit për Hetimin e Narkotikëve në D.V.P Gjirokastër u krye kontroll në këtë banesë.
Nga kontrolli i ushtruar, në banesë u gjetën 11 thasë plasmasi, 2 fuçi plastike me lëndë të dyshuar narkotike Cannabis Sattiva, me peshë totale 144 kg dhe një armë gjahu pa leje.
Filloi procedimi penal në gjëndje të lirë (për arsye shëndetsore) për shtetasen D.B(pronare e banesës), 69 vjeçe, banuese në fshatin Kalivaç, Memaliaj.
Materialet i kaluan Prokurorisë së Rrethit Gjyqësor Gjirokastër për veprime të mëtejshme. /b.d
