Nga karantina aty ku po kalon më së shumti kohë me familjen, Ylli Baka e ka kthyer në humor por edhe argëtim qëndrimin në shtëpi.
I ftuar përmes një lidhje skype për emisionin “Vizioni i Pasdites”, Ylli Baka me humor iu përgjigj gjithë atyre që janë mërzitur nga anulimi i dasmave por edhe arsyet që e çuan të bënte një “koncert” nga ballkoni për komshinjtë e tij.
“Të gjitha u anulluan për mua e të gjithë të tjerët, po nuk ka problem. Do t’i martojmë edhe beqarët, mos të mërziten shumë.
Koncertet janë për muajt e ditët në vazhdim, do durojmë dhe pak. Nata e parë ishte shumë e bukur. Surprizë.
Unë dola të duartrokisja, dhe njerëzit filluan “Ylli Ylli”. Montova mikrofonin, emocionin e parë e ndava me pallatin, komshinjtë dhe të gjithë lagjen. I përsërita këngët dy tri herë. Këndova dhe këngë e re ‘Më lini të fluturoj’, dhe unë fluturova nga ballkoni”, tha këngëtari. /e.s/
