Një person është arrestuar, ndërsa bashkëshortja e tij po procedohet në gjendje të lirë pasi janë kapur në flagrancë duke kontrabanduar ilaçe.
Burime policore bëjnë me dije se në pranga është vënë Arsim Gashi 43 vjeç, ndërsa filloi procedimi penal në gjendje të lirë në ngarkim të bashkëshortes së tij, F.Gashi 38 vjeçe, të dy banues në Norvegji, me shtetësi Norvegjeze dhe kombësi Shqiptare.
Gjatë mbrëmjes së djeshme çifti i bashkëshortëve është paraqitur pranë kabinave te kontrollit të Policisë Kufitare në portin e Durrësit për t’u imbarkuar në tragetin e linjës Durrës- Bari, me mjetin tip Ford me targa LS75558 me destinacion përfundimtar Norvegjinë.
Efektivat e Policisë, bazuar në disa dyshime e kanë kaluar mjetin për kontroll më të hollësishëm në Vijën e Dytë dhe pranë Skanerit S2 Albania dhe pas ekzaminimit u konstatuan disa pjesë të dyshimta në makinë tek pjesa e parakolpit dhe prapapakolpit të saj.
Pas kontrollit të kryer u vu re se në këto pjesë gjendeshin 3 komardare gome të izoluara me tel, brenda të cilave u gjetën dhe u sekuestruan në cilësinë e provave materiale: një sasi e konsiderueshme ilaçesh të llojit Apaurin Diazepam në total 3 030 tableta, 45.450 kokrra.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Kontrabanda me mallra te liçencuara”/noa/a.k
