Kryeministri Edi Rama ishte i pranishëm në aktivitetin e lançimit të Akademisë Politike. Gjatë fjalës së mbajtur Rama tha se Partia Socialiste ka marrë përsipër të ndërmarrë reforma për Shqipërinë e gjeneratës tjetër. Ai hodhi edhe batuta për përkatësinë politike, kur tha se të jesh i djathtë ka edhe më keq..
“Të jesh i majtë do të thotë të jesh edhe më i mirë, të jesh i djathtë do të thotë se ka edhe më keq. Për të qenë i djathtë do të thotë se nëse nuk konservojmë atë që kemi mund edhe të përfundosh edhe më keq. Kur qeveris e majta, njerëzit thonë ka edhe më mirë. Kur qeveris e djathta thonë nuk jemi keq, se ka edhe më keq.
PS sot si e majtë moderne, si e majtë e transformuar, i është përkushtuar një misioni historik. I është përkushtuar misionit për të qeverisur në emër të gjeneratës tjetër. Për të vendosur disa gurë në themel, që për 20 e kusur vite nuk u vendosën pikërisht sepse ata që qeverisën nuk patën kurajën të konsumojnë pushtetin dhe shfrytëzojnë mandatin e marrë nga populli për gjeneratën tjetër. Por, menduan vetëm për të siguruar mandatin tjetër me shpresën se sadopak do prekin gjërat që krijojnë tronditje, apo ato pikat nevralgjike që prekin njerëzit, aq më kollaj do të na votojnë”, tha Rama.
