Nënkryetarja e Partisë Demokratike, Jorida Tabaku ka replikuar në Kuvend me ministren Elisa Spiropali, e cila më herë komentoi krizën e brendshme në selinë blu.
Nga foltorja e Kuvendit, Tabaku tha se në PD ka debat dhe zgjedhje, ndërsa në anën tjetër të kampit politik të gjithë vihen në rresht dhe se kanë 15 vite që nuk votojnë kryetarin e partisë.
Teksa Spiropali tha se 25 prilli nuk ishte masakër zgjedhore, nënkryetarja e PD i kujton se nuk mund të mburret me blerjet e votave dhe përdorimin e patronazhistëve.
Nuk dua ti diskutoj problemet e brendshme të Partisë Demokratike, por të dëgjosh këtu Elisën që të jep mend, nuk mund të rrija pa folur. Ka një debat në PD, ka mendime ndryshe, por me kokë ulur të gjithë si ju nuk janë . Të gjithë rresht me një kryetar që keni 15 vite që nuk e votoni. Dhe flet këtu për ligje imagjinare.
E kthye Shqipërinë në lavatriçen e pastrimit të parave. Sot po ndërtojnë ndërtesa miliarda me zero kapital. E futën Shqipërinë në listën e trafikimit të drogërave.
Ligji i dalë dje, raporti i dalë dje i TI tregoi situatën reale që ne e kemi thënë çdo vit. Vijnë këtu dhe krekosen.
Sot banorët e 5 majit po protestojnë se do të prishen shtëpitë e tyre dhe do ndërtohen për rindërtimin e tij. Ato janë banesa shtetërore dhe jo qytetarësh. Kjo është qeveria e Edi Ramës. Jam lodhur duke i përsëritur këto raportet ndërkombëtare. Po të mburresh këtu me rezultatet e 25 prillit se ke blere vota, ke përdorur patronazhistët, se ke nxjerrë të dhënat personale, unë nuk e di si mund të krenohesh”, tha Tabaku.
g.kosovari
