Gjyqi i fajësimit të Donald Trump mbi rolin e tij në trazirat që ndodhën në Kongresin Amerikan në 6 Janar do të fillojë të hënën. Kështu deklarojnë përfaqësuesit demokrat, të cilët shprehen se Dhoma e Përfaqësuesve do të dërgojë akuzën e fajësimit në Senat, duke nisur zyrtarisht procesin e gjykimit.
Ndërkohë republikanët kanë kërkuar që dorëzimi i dosjes të bëhet më vonë, pasi kanë kërkuar kohë që të përgatiten. Dhoma e Përfaqësuesve javën e kaluar e akuzoi zotin Trump për nxitje të trazirave në Kongresin Amerikan, ku humbën jetën 4 qytetarë.
Kreu i demokratëve në Senat, Chuck Schumer, tha se tashmë dosja është në duart e Dhomës së Përfaqësuesve dhe të hënën do të vendoset nëse Trump do të fajësohet apo jo.
Tashmë gjithçka është në duart e demokratëve dhe nëse ata nuk ndryshojnë qëndrimin e bërë publik më herët, Trump do të jetë nën akuzë dhe mund të pengohet të rikandidojë në zgjedhjet e ardhshme.
Akuzat kundër Trump bëhen lidhur me protestat e dhunshme që u zhvilluan në 6 Janar. Presidenti kishte thirrur mbështetësit e tij në tubim, por nuk u bëri thirrje për qetësi kur ata nisën të hynin brenda Kongresit Amerikan, aty ku po certifikohej zgjedhja e Joe Biden./a.p
