Sekretari i Përgjithshëm i PD, Flamur Noka, së bashku me Kryetarin e Këshillit Kombëtar të PD-së, Edi Paloka, dhe Kryetarët e Degëve të PD, u bëjnë thirrje mbështësve të tyre të mblidhen të hënën, në orën 9.30 përpara SPAK.
Të hënën në orën 10.00 Sali Berisha do të shkojë në SPAK, pas masës “detyrim paraqitje” të marrë nga Apeli i GjKKO.
Ky është mesazhi i shpërndarë:
Të dashur miq,
Ditën e hënë, më 5 janar, në orën 9:30, mobilizojmë të gjitha strukturat e degëve të Partisë Demokratike për të protestuar para SPAK-ut, si një vegël në duar të Edi Ramës për të persekutuar kundërshtarët politikë. Ne do të jemi aty për të mbështetur të drejtën, ligjin dhe të vërtetën, që janë në anën e Kryetarit të Partisë Demokratike, Prof. Dr. Sali Berisha.
Protesta do të nisë në orën 9:30 përpara selisë së SPAK-ut. Ju ftojmë të gjithë të jeni prezent për të qëndruar të bashkuar në mbështetje të kauzës tonë.
Faleminderit!
