Të gjithë duan Ibrahimovic, por nëse për skuadrat e tjera është ende një joshje dhe interesim, jo hapa konkret, Milani e ka seriozisht dhe pasi është takuar me Mino Raiolan, agjentin e suedezit, ditën e mërkurë, tashmë ka bërë edhe ofertën konkrete sipas “Sportmediaset”: 2 milionë euro për gjashtë muaj dhe më pas mundësia e rinovimit edhe për një vit me 6 milionë euro në sezon.
Sakaq, ditën e sotme, Boban ka kontaktuar Raiolan dhe kanë biseduar për faktin se Elliott kërkon një përgjigje sa më shpejt dhe se ka dhënë “ok” për këtë operacion.
Ibrahimovic ka kërkuar kohë deri për Krishtlindje, por Milani nuk pret dot aq shumë. Pasi, Boban dëshiron që në fillim të dhjetorit Ibra të vijë në Milanelo për t’u stërvitur me grupin kuqezi që në janar të jetë gati për të zbritur në fushë menjëherë.
g.kosovari
