Policia braziliane ka arrestuar 6 shqiptarë, të cilët ishin nisur nga Franca dhe kishin si destinacion Kanadanë.
Shqiptarët e arrestuar janë Ledion Taka 37-vjeç, Permet Behluli 25-vjeç, Shaqir Serjani 28-vjeç, Adnandi Feka 34-vjeç, Rezart Kruja 27-vjeç dhe Erin Fekollari 26-vjeç.
Sipas autoriteteve braziliane, 6 shqiptarët ishin fshehur në kontenierët e një anije të nisur nga Franca në datë 23 shtator, por u zbuluan në portin e “Suape” në Ipojuca në 27 shtator, pas udhëtimit 4 ditë.
Sipas medieve braziliane, bazuar në informacionet nga policia e emigracionit, shqiptarët janë zbuluar në momentin që po tentonin për të gjetur ushqim në kuzhinën e anijes.
Gjatë marrjes në pyetje nga autoritetet braziliane të emigracionit, shqiptarët kanë deklaruar se kishin si qëllim që të shkonin në Kanada.
Aktualisht shqiptarët janë vendosur në një qendër nën vëzhgimin e policisë, ndërsa kanë nisur procedurat për kthimin në Shqipëri.
