Nuk i ndahet politikani zyrtarit amerikan. Në ditën e festës, Tritan Shehu ka vijuar replikat në distancë me ambasadorin amerikan Donald Lu lidhur me të drejtat e komunitetit LGBTI.
Përmes një statusi në rrjetin social Facebook, Shehu le të kuptohet se këto janë debate artificiale dhe nuk sjellin asnjë produkt pozitiv.
E gjitha u nis pasi në një takim për mbrojtjen e të drejtave të LGBTI-së, Lu numeroi mes të tjerësh edhe emrin e deputetit demokrat ndër ligjvënësit që është rreshtuar hapur kundër këtij komuniteti, duke e paralajmëruar Shehun që të bëj kujdes me gjuhën e urrejtjes.
Postimi i plotë
“Ishte nje kenaqesi e vecante per mua te isha keto dite familjarisht, pjese ne kremtimet e Pashkeve ne Gjirokaster, Dropull, Permet e Kelcyre.
Festa e Pashkeve Ortodokse eshte nje dite e shenuar jo vetem per ate komunitet, por per te gjithe shqiptaret.
Perseri kjo feste u karakterizua nga cilesite me te spikatura te popullit tone, deshira per te jetuar ne paqe, bashkejetese fetare, miqesi, dashuri e nga europeizmi yne i thelle.
Desheroj gjithashtu te nenvizoj edhe nje parim te vecate, qe ngel i pa lekundur te ne, nje nga vlerat tona te medha, konceptin e vertete per familjen, te familjes sone si dicka e Shenjte, qe e gjeta kudo, pavaresisht disa “debateve” jo produktive e te krijuara artificialisht se fundmi.
Se bashku me kete lidhet dhe vizioni yne per femijet si pjese e saj, kujdesi shembullor per ata, per rritjen e edukimin e tyre me keto vlera te medha ne mendje e zemer, garanci kjo per te ardhmen e shoqerise.
Keto jane disa nga principet sublime te perbashketa te te gjitha komuniteteve tona fetare, principe tejet te rendesishme keto edhe per te ardhmen e bashkejeteses sone fetare.
Gezuar Pashket!”.
