Zgjedhjet vendore të 21 qershorit që mbahen të dielën në Shqipëri konsiderohen mjaft të rëndësishme për reformimin e qeverisjes vendore dhe ecurinë e procesit të integrimit. Këto janë zgjedhjet e shtata lokale që mbahen në vend, që nga viti 1991.
Më poshtë vijojnë të dhëna zyrtare për zgjedhjet e së dielës:
– Qytetarët shqiptarë votojnë të dielën për kryetarët e rinj të 61 bashkive dhe për 1595 vende në këshillat bashkiakë.
– 62 subjekte politike janë regjistruar zyrtarisht në KQZ për të konkuruar në garën elektorale, 52 nga të cilat janë grupuar në dy koalicione, ndersa jashte tyre konkurojne 10 parti..
– Koalicioni i majtë “Aleanca për Shqipërinë Europiane”, i drejtuar nga Partia Socialiste, grupon 37 parti, ndërsa koalicioni i djathtë “Alenca Popullore për Punë dhe Dinjitet”, i drejtuar nga Partia Demokratike, grupon 15 parti.
– Në garë për kreret e 61 bashkive janë 158 kandidatë, 36 prej tyre te pavarur.
– Nga kandidatët e regjistruar në shkallë vendi për kryebashkiakë vetëm 15 prej tyre janë femra.
– Të regjistruar në listat e votuesve figurojnë 3.382.295 zgjedhës
– Ditën e votimeve do të funksionojnë 5299 qendra votimi.
– Procesi zgjedhor do te administrohet nga rreth 41 mije komisionere,pjese e qendrave te votimit, te grupeve te numerimit te votave, etj..
– Zgjedhjet e së dielës do monitorohen nga rreth tre mijë vëzhgues, ku numrin më të lartë e ka misioni i ODIHR-t me 274 vëzhgues.
-Dokumenti që do të përdoret nga zgjedhësit ditën e zgjedhjeve është pasaporta biometrike ose letërnjoftimi elektronik.
– 90 Komisione Zonale të Administrimit Zgjedhor do të administrojnë procesin
– Në total janë prodhuar 6.876.366 fletë votimi, ku 3.437.683 janë fletë votimi për kryetarët e bashkive, ndërsa 3.438.683 të tjera janë për anëtarët e këshillave bashkiakë.
– Në zgjedhjet e këtij viti janë mbi 143 mijë të rinj që do të votojnë për herë të parë. ATA
