Prokuroria kërkon arrest me burg për pesë të dyshuarit e arrestuar në Morinë me akuzën për trafik e shfrytëzim prostitucioni: I. Qama, 23-vjeç, për veprën penale “Trafikimi i personave, kryer në bashkëpunim”, Ledian Gjoni, 28-vjeç, për veprat penale “Trafikimi i personave”, “Shfrytëzimit të prostitucionit” dhe “Fallsifikim të letër njoftimeve, stampave ose vizave”, Ardit Shmilli, 24-vjeç, për veprën penale “Trafikimi i personave, kryer në bashkëpunim”, Zamir Hodo, 31-vjeç, për veprën penale “Trafikimi i personave, kryer në bashkëpunim” dhe A. Qama, 25-vjeçe, për veprën penale të “Shfrytëzimit të prostitucionit”.
Të pestë u arrestuan në flagrancë teksa tentonin të trafikonin për qëllime prostitucioni drejt Gjermanisë 2 vajza të reja.
Të dyshuarit do të dalin para gjykatës këtë të enjte për t’u njohur me akuzën dhe kërkesën për arrest me burg, ndërsa para hetuesve ata kanë mohuar akuzat duke deklaruar se po shkonin drejt Kosovës për të kaluar si grup shoqëror një fundjavë.
Gjatë arrestimit policia mundi t’i sekuestrojë atyre dhe dy karta identiteti rumune të falsifikuara me të cilat dyshohet se drejt Gjermanisë nga aeroporti i Prishtinës do të udhëtonin vajzat e rekrutuara për qëllime prostitucioni.
shqiptarja.com/d.i.
