Kopshti “Diren” është ambienti më i njohur për shqiptarët ditët e fundit. Kjo për shkak të publikimit të video- skandalit në këtë kopsht, ku administratorja e këtij kopshti, Anjeza Shabani dhunonte fëmjën 3-vjeçar. Dhuna e ushtruar ndaj fëmijës së mitur u denoncua nga babai në media, i cili rrëfeu se në atë kopsht ushtrohej dhunë dhe te fëmijët e tjerë. Publikimi i video-skandalit ka qenë “shok” për gjithë opinionin publik. Të shumtë kanë qenë komentet fyese ndaj administratores Shabani.
Lidhur me dhunën e ushtruar në ambientet e kopshtit kanë reaguar dhe institucionet përkatëse, më saktë ministrja e Arsimit, Lindita Nikolla. Gjatë komentimit të skandalit Nikolla tha që raste të tilla duhet të shërbejnë si nisje për inspektimi të mëtejshme në kërkim të standardeve. Pas publikimit të skandaleve institucionet përkatëse vijojnë hetimet për zbulimin e aktiviteteve të paligjshme. Kështu ka ndodhur dhe me kopshtin “Diren”, ku u desh të publikohej skandali për të mësuar dhe ekzistencën e tij, nga institucionet.
ma.me
