Vendimet e qeverisë për reduktimin e tarifës së shkollimit me 100% apo 50% sipas kategorive të shtresave sociale dhe dhënien e bursave studentore po publikohen pranë auditoreve të universiteteve.
Në Fakultetin Ekonomik është projektuar njoftimi se nga data 9 janar 2019 fillon mbledhja e dokumentacionit pranë degës së shërbimeve për 3700 studentë afërsisht, përfitues të reduktimit të tarifës së shkollimit me 100% apo 50% sipas kategorive të shtresave sociale parashikuar në VKM-të e nxjerrja në fund të dhjetorit 2018.
Gjithashtu, fakulteti njofton se nga data 10 janar fillon mbledhja e dokumentacionit edhe për studentët që do të përfitojnë trajtim financiar bursa, referuar VKM-ve të nxjerra në fund të dhjetorit 2018.
Duke iu referuar këtij njoftimi dhe duke hedhur poshtë çdo shkresë tjetër me informacione të rreme që ka qarkulluar së fundi në disa medie, Kryeministri Edi Rama shprehet se “ky është njoftimi i saktë për studentët”.
“Po! Saktë. Studentët në çdo universitet duhet të kërkojnë ekzaktësisht këtë njoftim dhe asgjë më shumë, asgjë më pak”, shprehet Kryeministri Rama.
/a.rada
