Shqipërisë i ra e mira në derë sa i përket gazësjellësit TAP. Për këtë Ministria e Energjisë ka nisur masterplani për gazifikimin. Ky masterplan, i cili parashikohet të përfundoj në nëntor të 2016, është financuar nga Komisioni Evropian me një shumë prej 1.1 milion euro.
Në bazë të këtij projekti do të realizohet edhe parashikimi i kërkesës për konsumimin e ardhshëm të gazit në vend do të shqyrtojë çdo sektor të madh të vendit, përfshirë shërbimet dhe industrinë. Gjithashtu në bazë të master planit do të vlerësohen edhe mundësitë për kalimin nga energjia elektrike te gazi.
Nga master plani përveç ministrive përkatëse, përfitues të tjerë të këtij projekti do të jenë edhe Enti Rregullator i Energjisë dhe Albpetrol. Në njoftim bëhet me dije se “do të kryhet gjithashtu një itinerar dhe plan i mirë urbanistik i sistemit të transmetimit dhe shpërndarjes së gazit me synim krijimin e një teknikisht me kosto më të ulët dhe në mënyrën më efikase të mundshme nga ana ekonomike, si dhe me ndikim sa më të paktë në mjedis”.
