Greqia ka mbajtur, këtë të premte, më 28 tetor, një paradë gjigante ushtarake në Selanik.
Në 82-vjetorin e zmbrapsjes së Italisë fashiste, ushtria greke, mbushi sheshin në Selanik, aty ku parakaluan edhe mjetet të rënda ushtarake, ndërsa në qiell fluturuan edhe avionë e helikopterë. Po ashtu, nuk munguan edhe anijet ushtarake. Në paradë fluturuan edhe avionët luftarakë “Rafale”, të cilat Greqia sapo i ka blerë nga Franca, si dhe helikopterët Apache, Chinook, Kiowa Warrior, por edhe mjetet e blinduara Marder 1A3, si dhe TTOA M1117.
Kjo paradë madhështore, edhe pse në këtë datë të shënuar për popullin grek, vjen në një situatë kur bota është e trazuar për shkak të luftës në Ukrainë, ndërsa edhe tensionet e Athinës me Ankaranë kanë qenë të larta gjatë kohëve të fundit.
/s.f
