Ajo që parashikohej, ndodhi. Luis Hamilton është rikuperuar nga koronavirusi dhe do të garojë në Grand Prix të Abu Dhabit, garën e fundit të kampionatit botëror të Formula 1 për sezonin 2020. Kampioni i botës doli negativ me dy tamponë (një në Bahrein dhe një pas mbërritjes në Emiratin Arab), ka njoftuar Mercedesi me një komunikatë në rrjetet sociale.
Hamilton tashmë ka mbërritur në cirkuit për t’u pozicionuar pas timonit të makinës së tij. Pas kësaj ngjarjeje, disi të parashikuar, piloti 22-vjeçar Xhorxh Rasëll, që zëvendësoi kampionin, do të kthehet në skuderinë e tij Uilliams.
g.kosovari
