Një zëdhënës i talebanëve në Afganistan është shprehur se po ndihmojnë shtetet për të evakuuar qytetarët e tyre nga Afganistanit.
Në një prononcim për Reuters, ai thotë se talebanët po e mbajnë premtimin e tyre dhe po ndihmojnë qytetarët që të evakuohen përmes aeroportit të Kabulit.
“Ne po lehtësojmë kalimin me dalje të sigurt jo vetëm për të huajt, por edhe për afganët. Ne po parandalojmë çdo formë të përplasjes së dhunshme, verbale në aeroport midis afganëve, të huajve dhe anëtarëve talebanë,” tha zyrtari.
Sidoqoftë, ka pasur raporte se talebanët nuk po i linin njerëzit të hynin në aeroportin e Kabulit, edhe nëse ata kishin viza udhëtimi.
Një dokument konfidencial i OKB -së, i siguruar nga BBC, tha se militantët po intensifikonin kërkimin e tyre për njerëzit që punonin dhe bashkëpunonin me forcat e NATO -s dhe SHBA.
/b.h
