Deputeti i LSI-së, Përparim Spahiu i cili është edhe kandidat për kreun e kësaj force ka dalë kundër ligjit që lejon importin e mbetjeve. Edhe pse në Kuvend ai abstenoi, tashmë duket se ka dalë me një qëndrim të ri.
Në një postim në Twitter ai thotë se do të dalë në protestë me shoqërinë civile më datën 1 Tetor.
“Vendosa që në 1 Tetor, të jem bashkë me shoqërinë civile, që për mua ka gjithmonë të drejtë!”, shkruan Spahiu, që kandidon për kreun e LSI-së.
Spahiu shpesh herë ka dalë me kritika ndaj mazhorancës ku ai bën pjesë. Madje pak kohë më parë ai u përjashtua nga LSI për qëndrim të ndryshëm nga grupi. Por Spahiu de facto nuk u largua kurrë, madje ai tashmë kandidon për kreun e kësaj force. Pyetja që ngrihet është se a po tërhiqet LSI nga mbështetja që i dha ligjit të mbetjeve? Vlen të kujtojmë që edhe kreu i kësaj force Meta nuk mori pjesë në votimin e ligjit.
/a.m
