Kryetari i Bashkisë së Divjakës Fredi Kokoneshi është përfshirë në konflikt me nipin e deputetit socialist Paulin Stërkaj, Dritan Stërkaj.
Sipas News 24 shkak janë bërë pagesat e taksave ndaj Bashkisë të resortit që Stërkaj ka në administrim në zonën e Divjakës.
Mbrëmjen e djeshme se ka qenë vetë kryebashkiaku socialist ai që ka bërë denoncimin. Në deklaratën e tij, Kokoneshi ka thënë se është dhunuar për shkak të detyrës.
Kryebashkiaku është goditur me grushte nga nipi i deputetit të Partisë Socialiste Paulin Stërkaj 32 vjeçari Dritan Stërkaj, administrator i një resorti në Divjakë.
Kokoneshi nuk ka zbardhur detaje rreth motiveve të konfliktit që pati me 32 vjeçarin.
Besohet se resorti në Divjakë që administrohet nga Dritan Stërkaj që dikur ka qenë kampi i punëtorëve, është bërë shkak i konfliktit mes Kokoneshit dhe nipit të deputetit socialist.
Dyshohet se pagesa e taksave ndaj Bashkisë që resorti ka detyrim të paguajë u bë shkak për konfliktin mes Kokoneshit she Stërkajt.
Për këtë ngjarje policia ka referuar materialet në Prokurori.
g.kosovari
