Partia Demokratike thotë se qeveria ka planifikuar sërish rritjen e taksës së naftës, pavarësisht asaj që propagandon.
Sipas sekretarit, Enno Bozdo, sado qe Rama të fshihet dhe ta mohojë këtë fakt ai po planifikon të fusë sërish duart në xhepat bosh të shqiptarëve.
Bozdo tha se me ardhjen në pushtet të PD-së, do të ketë një ulje të çmimit të karburantit me 300 lekë për litër, duke shtuar se qeveria aktuale ka vendosur taksa dhe akciza mbi karburantin që nuk hasen në asnjë vend të rajonit.
“Qeveria ka programuar një rritje të çmimit për karburantin. Sado që Rama të fshihet dhe ta mohojë këtë fakt, e vërteta është se ai po programon të fusë përsëri dorën në xhepat bososh të shqiptarëve.
Shqipëria sot ka çmimin më të shtrenjtë të karburantit në Evropë, ndërkohë që është vendi më i varfër i saj. Çmimi i karburantit sot është shumë më i shtrenjtë në Shqipëri, sepse qeveria ka ngarkuar atë me shumë taksash dhe akciza, pa pasuri në asnjë nga vendet e tjera të rajonit dhe BE.
Nuk ka gjë më të rëndësishme për Partine Demokratike sesa mirëqenia e shqiptarëve. Për këtë, Partia Demokratike ka tashmë një plan solid për të rimëkëmbur ekonominë. Një ndër masat kryesore do të jetë ulja e menjëhershme e çmimit të karburantit me 300 lekë për litër”, deklaroi Bozdo.
g.kosovari
