Ambasada amerikane në Kosovë ka reaguar për taksën e aplikuar nga kjo e fundit mbi mallrat serbe pas vizitës së delegacionit të SHBA-së. Në reagim theksohet se ky veprim i palës kosovare po minon raportet historike mes të dyja vendeve. Sipas ambasadës, ky delegacion erdhi për të përforcuar porosinë e presidentit Donald Trump, që dialogu me shtetin e Serbisë të ecë përpara.
Në të dyja kryeqytetet ata theksuan shqetësimin e Shtëpisë së Bardhë se Dialogu duhet kthyer në binarë, dhe se të dyja palët duhet të ndërprejnë veprimet provokuese dhe të ndërmarrin hapa konstruktivë për tu kthyer në tryezën negociuese.
Mysafirët përsëritën mesazhin e tyre nga letra ndërinstitucionale e 11 shkurtit se taksat në prodhimet e Serbisë dhe Bosnies janë pengesë në rrugën drejtë progresit, e minojnë partneritetin tonë, dhe duhet të pezullohen në mënyrë që Dialogu me Serbinë të lëvizë përpara.
Ata theksuan urgjencën që Kosova të arrijë një marrëveshje gjithëpërfshirëse të normalizimit me Serbinë, dhe rreshtimin SHBA-Kosovë për këtë interes të përbashkët strategjik”, thuhet në reagim.
/a.meta
