Rikthimi i taksës së sheshtë, një premtim kyç në platformën e Bashës, do të detyrojë 13 700 infermierë të paguajnë rreth 13,4 miliardë lekë më shumë, para që do të mbahen direkt nga pagat e tyre.
“Taksa Basha” e shpjeguar
- Sot, një infermieri i mbahen 4,1% e pagës në formë tatimi mbi të ardhurat. Taksa e sheshtë e rrit këtë detyrim në 9%.
- 13 700 infermierë, në total do të paguanin 13,4 miliardë lekë më shumë gjatë katër viteve të ardhshme, sipas skemës së propozuar nga PD
- “Taksa Basha” heq nga xhepat e infermierëve 23 mijë lekë në vit ose pothuajse një milionë lekë të vjetra gjatë një mandati
Për më tepër, zëvendësimi i taksës progresive, me “taksën Basha”, do të rrisë barrën e tatimeve mbi pagën e përfituar për të gjithë shqiptarët që paguhen me më pak se 1,3 milionë të vjetra në muaj.
Në total, vetëm 3% më i pasur i popullsisë pritet të përfitojë nga ky ndryshim fiskal, pikërisht ata që fitojnë më shumë se 1,3 milionë, të cilët do të shohin barrën e tyre të taksave mbi të ardhurat të përgjysmuar.
Konkretisht, paga mesatare mujore e një infermieri në kujdesin shëndetësor parësor është 44 mijë lekë (440 mijë të vjetra), ndërsa tatimi mbi pakën 1 820 lekë të rinj. Aktualisht, infermierët tatohen në nivelin e 4,1% të pagës së tyre.
Vendosja e taksës së sheshtë 9%, automatikisht 2,2-fishon taksën për infermierët. Me këtë taksë të re, tatimi mbi të ardhurat që ata do të derdhin në shtet rritet nga 1 800 lekë në 4 mijë lekë në muaj, çka do të pasqyrohet me reduktimin e pagës së tyre nga 44 mijë në 41 800 lekë. Në total, 6 800 infermierë të kujdesit shëndetësor parësor do të paguajnë 7 miliardë lekë më shumë në 4 vitet e ardhshme.
Përsa i përket infermierëve të kujdesit shëndetësor spitalor, paga e tyre mesatare është 49 400 lekë, ndërsa tatohet në nivelin e 5,1% të pagës, duke paguar 2 520 lekë. Sipas llogaritjeve, taksa Basham mbi pagën e rrit tatimin në 44 mijë lekë në muaj, 1,8 herë më shumë nga sa është. Në bazë të kësaj llogaritje, gjatë katër viteve të ardhshme, shteti do t’i marrë çdo infermieri spitalor pothuajse një milionë lekë të vjetra./Lexo.al
