Presidenti i Turqisë, Recep Tayyip Erdogan bëri me dije se me shumë mundësi do të takohet gjatë kësaj jave me homologun rus, Vladimir Putin.
Në fjalën e tij, pas faljes së Namazit, Erdogan u shpreh se Ankaraja ose Stambolli mund të jenë perfekte për të diskutuar masat që duhet të ndërmerren për të ulur tensionin në Ukrainë.
Më herët, zëdhënësi i presidentit, Ibrahim Kalin deklaroi se sulmet ruse në Ukrainë e vështirësojnë shumë përparimin e negociatave për arritjen e paqes mes Moskës dhe Kievit.
Pas takimit të zhvilluar me presidentin, Zelensky në Kiev, Kalin shprehu angazhimin e Ankarasë për të çuar përpara bisedimet.
Presidenti ukrainas ka dhënë një intervistë për televizionin shtetëror grek ERT, ku ka komentuar luftën me Rusinë dhe ndikimin e vendeve të treta në përshkallëzimin dhe shuarjen e tensioneve midis Kievit dhe Moskës.
Lideri ukrainas tha se Ankaraja mban standarde të dyfishta, pasi nga njëra anë mbështet Ukrainën dhe nga ana tjetër nuk vendos sanksione ndaj Rusisë, duke hartuar paketa turistike për rusët.
“ Duhet të bëjmë gjithçka për pasur të gjitha vendet në anën tonë, sepse Ukraina ka nevojë për partnerë dhe miq”, tha Zelensky për televizionin grek.
“Lufta do të përfundojë kur ne të fitojmë”
Zelensky tha në mënyrë karakteristike se përgjigja në pyetjen “kur do të përfundojë lufta” është “kur Ukraina të fitojë”. Dhe kjo do të ndodhë së shpejti,” tha ai.
Ai vuri në dukje se Ukraina nuk dëshiron të jetë e pavarur me fjalë, por në vepra.
g.kosovari
