Ish-ministri i Brendshëm Saimir Tahiri prej orës 14:05 ndodhet në Gjykatën e Apelit të Krimeve të Rënda për të apeluar vendimin për bllokimin e pasaportës. Ai shoqërohet nga avokati i tij Maks Haxhia, ndërsa në momentin e hyrjes në gjykatë nuk pranoi që të jepte asnjë prononcim për mediat.
Gjykata e Krimeve të Rënda në datë 9 Dhjetor ka bllokuar pasaportën e ish-ministrit të Brendshëm në vijim të hetimeve për dosjen “Sota”, duke i ndaluar atij daljen jashtë vendit për një periudhë të pacaktuar.
Në dokumentin me 15 faqe, prokuroria solli si prova përgjimet e drejtësisë italiane në dosjen Habilajt, ku akuzohet si i përfshirë edhe ish-ministri Tahiri. Gjithashtu prokuroria theksonte se Tahiri ka njohje edhe biznesmenin Orest Sota dhe familjarët e tij, pasi ka udhëtuar disa herë jashtë vendit me të njëjtat makina.
a.ç
