Ministri i Brendshëm Saimir Tahiri, i ftuar sonte në emisionin “Top Story” të gazetarit Sokol Balla, ka folur dhe për pajisjen përgjuese që këto ditë ka hapur një debat të madh.
Tahiri veç tjerash tha se edhe po ta kishte mundësin kurrë nuk do ta përgjonte opozitën. Ai tha se deputetët e Partisë Demokratike vetë shkojnë në zyrën e ministrit dhe i thonë të gjitha pa pasur nevojë të i përgjojnë.
“Pse t’i përgjosh ata?! Pse ta përgjoj Presidentin, kujt i duhet? Po Berishën? Pse ta përgjoj? Ai në FB rri me qytetarin dixhital.
As Bashën s’kam arsye ta përgjoj. Vijnë vetë deputetët e PD-së në zyrën time dhe pak t’i gërricës i tregojnë të gjitha”, ka thënë Tahiri./a.m.
