Ministri i Brendshëm Saimir Tahiri ishte i pranishëm në një aktivitet te Policia Rrugore. Gjatë fjalës së mbajtur, ministri deklaroi se policia është institucioni me besimin më të lartë te qytetarët, deklaratë kjo që vjen pas akuzave të Ylli Manjanit në drejtim të tij por edhe sulmeve nga përfaqësues të tjerë të LSI-së.
“Punonjësit e policisë ishin të braktisur nga eprorët, ishin të braktisur nga përfaqësuesit politik në ministri. Sot për të tretin vit radhazi, policia është isntitucioni më i besuar, por kemi ende shumë punë për të bërë në mënyrë që policia të kthehet ajo që duam, ajo që presin qytetarët. Policia e gjeneratës tjetër. Unë besoj që qytetarët e kanë shumë të qartë domosdoshmërinë që kemi për të sulmuar korrupsionin. Kjo është një betejë që fitohet me qytetarët. Punonjësit e policisë po bëjnë maksimumin, Është po njësoj kujtesë për këdo tjetër që nuk e ka kuptuar që e kemi seriozisht luftën kundër korruspionit.”, deklaroi Tahiri.
Ai u ndal më tej te lufta kundër korrupsionit në radhët e policisë. Tahiri tha se procedimi i mbi 3 mijë policëve për shkelje të ndryshme, ëhstë këmbanë alarmi për punonjësit e tjerë të cilët duhet të jenë korrekt me ligjin. Ai tha se nuk ëhstë fusahtë e përkohshme, por qasja anti-korrupsion.
“Jam i shqetësuar për mënyrën se si luftojmë brenda policsë për të dnërtuar etikë, korrektesë, shërbim dhe mbi të gjitha praktika që janë larg korrupsionit. Është kjo arsyeja pse gati 3 mijë kolegë tuaj janë në heitm, apo kanë qenë në hetim penal apo disiplinor sepse kanë abuzuar me detyrën. Dhe kjo është këmbana e fortë e alarmit për secilin prej jush, e mjaftueshme se ne e kemi shumë seriozisht luftën kundër korruprionit brenda radhëve të policisë. Nuk ëhstë çështje aksioni, kjo është qasja jonë”, tha më tej Tahiri./a.m.
