Ministri i Brendshëm Saimir Tahiri ka reaguar pas deklaratave të kreut të antimafias italiane Franko Roberti të bëra gjatë një konference me Prokurorin e Përgjithshëm Adriatik Llalla, ku ai tha se janë shtuar sasitë e drogës që trafikohen nga Shqipëria drejt Italisë.
Tahiri deklaroi se sasia 2 miliardë euro drogë ishte në kohën e Berishës.
“Për ata që mezi priten të hidhnin prapë baltë, sqarimi shumë i qartë: 2 miliardë EU drogë ishin në kohën e Saliut. Sot sukses shkatërrimi”, shkruan Tahiri në Twitter ku postoi edhe pjesë nga një raport i OSBE.
Deklarata e kreut të antimafias:
“Trafikimi i lëndëve narkotike ka ardhur në rritje mes Shqipërisë dhe Italisë. Kemi nevojë që bashkë me kolegët shqiptarë të kuptojmë se cili është motivi i rritjes së këtij trafiku dhe në të njëjtën kohë çfarë mund të bëjmë për të përmirësuar strategjitë dhe bashkëpunimin”,- tha ai.
Tahiri ironizoi edhe me kreun e opozitës Lulzim Basha kur tha në një tjetër status se “Mëshirë për L.Bashën dhe flm për OSCE për sqarimin mbi “përkthimin e gabuar” të radhës”, shkruan në një status tjetër Tahiri”.
