Edhe Shqipëria dhe madje i gjithë rajoni i Ballkanit është i ekspozuar ndaj rrezikut të ekstremizmit dhe terrorizmit që po sfidon sot botë. Deklarata është bërë nga Ministri i Brendshëm Saimir Tahiri në konferencën e përbashkët për shtyp me zv.sekretaren e Shtetit për Sigurinë në SHBA, Sarah Seëall, në përfundim të ditës së parë të punimeve të ministerialit rajonal kundër terrorizmit.
Në fjalën e tih Tahiri kërkoi një bashkërendim e bashkëveprim mes shoqërisë civile, komuniteteve vendore dhe fetare me strukturat shtetërore për të parandaluar përhapjen e ekstremizmit, që sipas tij, është kërcënim i përhershëm.
“Askush nuk është imun nga rreziku i ekstremizmit. Shqipëria duket sikur nuk ka probleme me ekstremizmin e dhunshëm dhe duket se rajoni sot vetëm eksporton luftatarë të huaj, por premisat që ekstremizmi të kthehet në problem në shtëpinë tonë janë aty. Terrorizmi luftohet me edukim, arsim, rritje ekonomike, që janë armë shumë më efektive kundër cdo force ekstremiste në cdo cep të globit”. tha Tahiri
