Ministri i Brendshëm Saimir Tahiri ka theksuar sot vendosmërinë e qeverisë për të luftuar korrupsionin në polici.
Deklaratat Ministri Tahiri i bëri gjatë prezantimit të një projekti të ri të Policisë së Tiranës, ku tha se Zyrat e Shërbimit Qytetar do të zgjidhin çështjen e korrupsionit në polici.
“Lufta ndaj kriminalitetit kalon nga bashkëpunimi polici-qytetar. Qytetari duhet të jetë klient, në mënyrë që të gjejë shërbimin në kohë rekord dhe pa korrupsion. E nisëm këtë reformë me Zyrat e Shërbimit Qytetar, duke shndërruar ambientin dhe mënyrën e kërkesës nga ana e qytetarëve”, u shpreh Tahiri.
Ministri i Brendshëm shtoi se mos dhënia e shërbimit në kohë për qytetarët, jo rrallë herë i ka lënë vendin fenomenit të korrupsionit në polici.
“Jo rrallë, mosdhënia e shërbimit apo vonesa në shërbim ka shërbyer si pretekst për t’i hapur rrugën korrupsionit. Me këtë sistem, zgjidhim këtë problem pasi monitorojmë punonjësin e policisë që duhet t’i përgjigjet qytetarit në kohë”. tha ai
Redaksia Online
(Javanews.al)
